其實唔係第一次住呢間酒店,2年前都住過5日4晚,今次係裝修左。買左貴d果隻雙人客房但就睇唔到街境,建議大家買返平果隻,話有窗但個窗好細,仲要係自己打開.因為個窗都貼左磨沙紙,一定要打開先睇到街境。早兩年去對面街好多野食,今次唔知係咪重建,好多地方執哂,選擇無咁多,今次住了7日6晚,每日都有清潔員執房,因為每日都見到床舖係重新鋪好同換左垃圾袋,樽裝水也有refill ,但就係廁所紙無refill 過,亦都覺得毛巾只係幫我地摺返好,擺返同一個地方,因為用到第5日覺得有d up味。但其實點都好,最緊要係同一層既住客質素,本身房間隔音ok既,門位可以差d回音都大,但就好幾日一早對面房間的內地遊客,係大堂地大聲講野,真心無奈,講緊都唔係好晚既時間,韓國時間9點左右,韓國快香港一小時,都係8點幾左右, 真心煩擾。最尾都要起身出去同佢地講聲先可以好好訓多陣-0-''.........