2/10 很糟糕
MEI LAN
家庭旅遊
2024 年 12 月 16 日
不喜歡：整潔度、員工素質、住宿環境和硬體和客房舒適度
極度憤怒的住宿體驗
住咗咁多間酒店從來冇遇過一間差到極嘅旅館、就係呢一間、最初匆忙地訂房、訂完之後先至睇comment、睇咗好多劣評都話污糟、但係評語係2015年、心想相隔九年應該有改善啩、怎料今次自己踩地雷、一去到感覺店主不太有善、他是個老外、進房之後嚇了一跳、成間房只得兩張它它me、原來係一間百無旅館、房間不到50尺、冇垃圾桶、冇紙巾、冇小枱仔、更冇電視、最搞笑是窗簾只可以遮住個窗三分之二、房內有一個櫃只可以將瑣碎嘅嘢全部放在櫃裏當作一張枱用、去到洗手間用完之後搵唔到個沖水掣、搞咗好耐，後來見到個職員佢話我 知個水掣在馬桶嘅後方、真是笑不出、屙完之後要個頭落去廁所先至可以沖水、從未見過呢個奇景、到沖涼嘅時候，見到所有洗頭水護髮素之類嘅東西掉在地上、真是難看、怎料當沖涼的時候，發覺所有用品只剩下一成少得可憐、當時氣到真是即刻想離開、第二天見到職員話佢知浴室沒有鹼液洗頭水、他說會安排怎料晚上沖涼時、多咗一樽唔知是什麼東西，其他的完全是空瓶，到第二朝早上在廚房煮早餐，枱上很多油鹽醬油調味瓶、全部都是空空的、什麼也沒有只得一樽樽空瓶放在枱上、就是俗語所謂的（裝假狗）後來發覺成個大廳一盒紙巾都冇、見到職員問佢，佢好似好愕然、唔知佢係新來還是什麼後來她拿了一卷廁所用的紙巾交給我、當時真是哭笑難分、慢慢越來越多人開始煮早餐、垃圾桶滿瀉垃圾、沒有人理會、真不知道這間是什麼旅館、一個沒有良心的經營者、怎可能生存到今天、心想日本人經營的旅館，不可能是這樣的、我都去日本玩耍這麼多年住過這麼多酒店旅館民宿、從來冇見過這樣差的現象、後來我才發現原來經營者不是日本人，那我明白了。
MEI LAN
於 2024 年 12 月住了 2 晚