蟻尾山公園

very nice experience

房價很便宜但地點不在市中心，唔算方便，附近比較清靜，我們住四人房，空間很大，中間有客廳有飯廳有小型廚房，兩邊是睡房，但沒有房門，屬於開放式，如果四個都係成年人就唔係太方便，而且只有一個浴室和一個廁所，輪候時間長，而且佢個設計有啲奇怪，沖涼地方有一個大窗，但係係冇玻璃窗嘅，有窗簾可以拉落嚟，即係話夏天冇冷氣會好熱，冬天就會好凍，而且會有蚊蟲飛入，我就係喺浴室見到一條四腳蛇。 最後，這是一間無人酒店（其實我感覺佢似Airbnb多啲），check-in check out全部要靠自己，要用front desk 嘅Tab，但我check-in嘅時候要試好幾次先至搵到我嘅預訂，但check out嘅時候無論我試幾多次都搵唔到，而佢send俾我嘅check out email 嗰條link撳入去係完全搵唔到check out嗰個字眼，所以我哋嘥咗半個鐘頭嘅時間搞唔掂，所以就要message住宿方面，好彩佢反應好快，叫我走得啦，佢會幫我搞check out，早知係咁就唔使喺度嘥時間